L’Atenéu Llibertariu d’Uviéu anicia

Posted on Actualizado enn

Co la segunda asamblea de la xente interesao en entamar n’Uviéu un Atenéu Llibertariu paez que la iniciativa va garrando forma y ya puée presentase socialmente co la programación de sendes aztividaes. Nesta segunda reunión que contó ya con media ocena más d’asistentes –desta yéremos ocena y media– fónonse prefilando delles aztividaes.

Depués d’un ampliu debate –nel que se dexaron averaes delgunes custiones pa ver más alantre asegún el propiu desarrollu del proyeutu mos lo vaiga demandando, ente elles el ponéi nome a esta ñación o iguar estatutos sobre’l furrulamientu internu: cuota, cargos o reponsabilidaes, derechos y deberes de lœs sociœs, y dalgunos otros asuntos– foi centrándose la atención en dos propuestes: la del cine-forum y la de los debates.

Decidióse de mano que les aztividaes del Atenéu diben iguase de momento los segundos y cuartos vienres de cá mes. Quedóse que el cine-forum va ser los segundos vienres de mes y acordóse echar a andar con una serie de películes y/o documentales que tengan como denominador común el tema del anarquismo y, una vez analizaes les propuestes de dalgunos collacios, decidióse programar les dos primeres: el 12 de payares (novbre.) Qué facer en casu d’incendiu, y pal 10 de diciembre el documental Les guerres de Cipriano Mera. Comenzarán a les siete la tarde y depués de la proyeición abriráse alderique pa debatir al rodiu lo visto.

Respeutu a los debates, estos van ser los cuartos vienres de mes y el primeru, pal 26 de payares, sedrá L’alternativa llibertaria na sociedá autual, y ya pa xineru, en fecha non concreta entá, El movimientu llibertariu y la custión llingüística.

Esti últimu tema tien una desplicación y escoyóse porque n’Asamblea saliera que l’Atenéu diba llamase Atenéu Llibertariu d’Uvieu, n’asturiano y non en castellán anque nos sos comunicaos o na propaganda podrá dir en castellán o facese nes dos llingües al tiempu. Como pa algamar esti alcuerdu entamóse un animáu alderique alreor de l’asuntu, quedóse en iguar el mencionáu debate pa esclará’l tema no que seamos pa ello.

En resumíes cuentes, que al andar faise camín y los primeros pasos desti Atenéu ya tan entamaos y, al ser esti un proyeutu en costrución costante, tamos a la espera de poder dir iguando dotres propuestes que vaigan surdiendo y que la Asamblea dirá poniendo en marcha asegún lo considere.

Salú y ¡venga la anarquía!

Anuncios

Escribe una opinión

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s