Mesa reonda: Qué pasa co la llingua (24/05/2013 – 19:30)

Posted on Actualizado enn

Mesa Reonda

35 años llargos de movimientu de recuperación y nomalización de la llingua astur, y nun paez que los resultaos seyan mui allentaores respetive al so usu social o al afitamientu del asturiano frente a la imposición avasallaora del castellano en to los ámbitos de la expresión llingüística n’Asturies.

L’Ateneu Llibertariu d’Uviéu (ALU), dende’l so entamu na tercer època n’ochobre del 2010, amuesa especial porgüeyu po la cuestión de la llingua, al puntu que la so primer actividá pública foi un debate al rodiu desti asuntu. Como organización antiautoritaria defiende el derechu de los pueblos al so autodetermín y al llibre desarrollu de los sos usos y particularidaes culturales y d’espresión. Como organización social que desendolca la so xera nel ámbitu asturianu, nun puée escaecer les vicisitudes po les que tuvo que pasar la evolución cultural del pueblu astur ni quedar al marxe de les cuestiones implicaes nel procesu de recuperación de los sos recursos expresivos, idiomáticos y llingüísticos.

Puestes sobre la mesa algunes destes cuestiones y consideraes les estremaes sensibilidaes y graos de conocimientu, pero con un común interés de los miembros del ALU en la situación po la que pasa la llingua asturiana nestos tiempos, decidimos convocar a una mesa reonda a persones y asociaciones implicaes dende hai años na defensa de la llingua dende diverses posiciones. Co la mira de pensar en común alreor de los avatares que cinquen na llingua y les pespeutives de superación de les torgues que la caltienen n’inferioridá de usu, comparativo al dominiu del castellán, entamamos esa mesa pa esti vienres 24 mayu del 13, a les siete y media la tarde.

Contaremos pa ello co la participación de Inaciu Galán (Iniciativa pol Asturianu), de Iris Díaz (Reciella – families pol asturiano), de Dolfu Camilo Díaz (escritor y xestor cultural), y de Miguel Rodríguez (Trafego – defensa a fala galego-asturiano), a quienes agradecemos la so colaboración, que expondrán la so posición sobre el tema, tras lo que se abrirá la cuestión al debate de les persones presentes.

Anuncios

Un comentario sobre “Mesa reonda: Qué pasa co la llingua (24/05/2013 – 19:30)

    […] Ateneu Llibertariu d’Uviéu, […]

Escribe una opinión

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s